ꓑꓴ-ꓔ-ꓮꓳ ꓟꓵ: ꓗꓪ ꓟꓶ-ꓖꓶ-ꓪꓰ; (ꓬꓲ ꓙꓬ ꓪꓰ;) ꓒꓵ: ꓔꓬ, ꓡꓳ=

ꓣꓳ ꓮ ꓘꓶ. ꓙꓳ ꓢꓲ ꓠꓲ, ꓒꓳ, ꓟ ꓟꓶ-ꓖꓶ-ꓪꓰ; ꓟꓲ ꓬꓲ. ꓣꓱ: ꓬꓯ; ꓖꓴ ꓮ ꓟꓬ, ꓙꓳ ꓟ ꓐꓰ ꓞꓳ ꓤ ꓐꓱ ꓶ ꓠꓯ ꓞꓲ; ꓕꓲ: ꓫꓵ: ꓥ ꓟ ꓔꓯ ꓕꓳ ꓶ ꓗꓪ ꓧꓪ ꓵ ꓟꓶ ꓠꓬꓲ ꓡꓳ=

ꓮ ꓟꓶ ꓕꓱ ꓕꓲ ꓝꓲ ꓗꓪ ꓣꓳ ꓑꓴ-ꓔ-ꓮꓳ ꓟꓵ: ꓗꓪ ꓟꓶ-ꓖꓶ-ꓪꓰ; ( ꓬꓲ ꓙꓬ ꓪꓰ;) ꓕꓲ: ꓚ.. (ꓕꓲ: ꓕꓱ,) ꓔꓯ ꓡꓳ: ꓟꓲ: ꓒꓴ (40000) ꓡꓲ: ꓟꓶ: ꓒꓯ; ꓖꓶ: ꓢꓲ ꓪꓴ ꓔꓬ, ꓟ ꓑꓶ. DU ꓘ, ꓗꓪ ꓟ ꓡ ꓞꓳ ꓐꓴ ꓟꓶ-ꓖꓶ-ꓪꓰ; ꓧꓪ ꓢꓴ ꓐꓴ ꓟꓲ ꓙꓳ ꓡꓳ ꓐꓰ ꓐꓯ ꓔꓬ, ꓡꓳ=

ꓓ-ꓖꓴ-ꓫꓵ-ꓝ ꓘ, ꓗꓪ ꓟ ꓮ-ꓓꓴ ꓡꓰ ꓕꓱ ꓡꓰ ꓐꓯ- ꓡꓳ= ꓥꓪ ꓠꓴ ꓠꓬ ꓟꓶ-ꓖꓶ-ꓪꓰ; ( ꓬꓲ ꓙꓬ ꓪꓰ; ) ꓔꓯ ꓮ ꓘꓶ. ꓙꓳ ꓟ ꓑꓶ. ꓓꓴ ꓧꓪ ꓬꓰ ꓟ: ꓑꓶ. ꓾ ꓟ: ꓙꓳ ꓢꓴ ꓠ: ꓛꓲ ꓒꓯ, ꓟ ꓔꓯ ꓬꓲ ꓙꓬ ꓐꓱ ꓗꓪ ꓔꓲ, ꓗꓷ ꓢꓲ ꓟꓶ-ꓖꓶ-ꓪꓰ; ꓥꓳ: ꓡ ꓕꓯ ꓣꓴ ꓔꓬ ꓡꓳ= ꓥꓪ ꓠꓴ ꓠ: ꓟ: ꓧꓪ ꓬꓰ ꓐꓯ- ꓡꓳ=