ꓑꓴ-ꓔꓲ ꓔꓯ ꓟꓲ ꓠꓯ ꓔ-ꓗꓪ-ꓓꓳ ꓜꓴ ꓗꓪ ꓐꓰ ꓞꓳ ꓒꓵꓽ ꓢꓲꓸ ꓖꓶꓽ ꓔꓸ ꓟ ꓙꓲꓽ ꓧꓶꓹ ꓡꓲꓸ ꓤꓼ ꓙꓰꓳ

2022 ꓘꓳꓼ 3 ꓦ 1 ꓠꓬꓲ ꓕꓯꓽ ꓟꓲ ꓠꓯ ꓔ-ꓗꓪ-ꓓꓳ ꓜꓴ (World Taekwondo) ꓡꓰ ꓣ-ꓫꓸ ꓗꓴꓷꓼ ꓙꓵꓽ ꓢꓴ ꓑꓴ-ꓔꓲ ꓔꓯ ꓞꓳ ꓒꓵꓽ ꓢꓲꓸ ꓖꓶꓽ ꓔꓸ ꓟ 9 ꓓꓽ ꓙꓲꓽ ꓧꓶꓹ ꓠꓯꓺ ꓠꓯꓺ (the honorary 9th dan black belt) ꓔꓯ ꓡꓲꓸ ꓤꓼ ꓙꓰꓳ꓿

ꓕꓱ ꓟ ꓠꓬ ꓣ-ꓫꓸ ꓗꓴꓷꓼ ꓡꓰ ꓬꓴ-ꓗ-ꓣꓲꓸ ꓗꓴꓷꓼ ꓔꓯ ꓟꓵꓽ ꓦꓴꓻ ꓟꓯꓼ ꓩꓴ ꓔꓬ ꓟ ꓑꓶꓸ ꓓꓴ ꓥ ꓡꓳ꓾ ꓐꓯ ꓡꓳ꓿

“ꓡꓳ ꓖꓪ ꓓꓴ ꓓꓵꓽ ꓙ ꓚꓱꓹ- ‘ꓢꓲ ꓡꓲꓹ ꓟ ꓠꓬ ꓧꓪꓸ ꓡꓰ ꓟ ꓕꓯꓽ ꓢꓲ ꓙꓲˍ ꓡꓳ’ the sport’s vision: “Peace is more precious than triumph.” ꓐꓯ ꓟ ꓔꓯ ꓑꓴ-ꓔꓲ ꓟꓽ ꓒꓵꓽ ꓟꓽ ꓚ ꓬꓰˍ ꓟ ꓑꓶꓸ ꓓꓴ ꓥꓳ” ꓐꓰ ꓟꓲ ꓠꓯ ꓔ-ꓗꓪ-ꓓꓳ ꓜꓴ ꓡꓰ ꓐꓯ ꓔꓸ ꓡꓳ꓿

ꓟꓲ ꓠꓯ ꓔ-ꓗꓪ-ꓓꓳ ꓜꓴ ꓡꓰ ꓬꓲꓸ ꓔꓯ ꓞꓳ ꓒꓵꓽ ꓢꓲ 9 ꓓꓽ ꓔ-ꓗꓪ-ꓓꓳ ꓙꓲꓽ ꓧꓶꓹ ꓠꓯꓺ ꓠꓯꓺ ꓔꓯ 2013 ꓘꓳꓼ ꓕꓯꓽ ꓖꓶꓽ ꓔꓸ ꓟ ꓥ ꓡꓳ꓿

2022 ꓘꓳꓼ 2 ꓦ 27 ꓠꓬꓲ ꓗꓪ ꓥ ꓟꓲ ꓕꓲ ꓟꓲ ꓠꓯ ꓙꓴ-ꓓꓴ ꓜꓴ ( International Judo Federation) ꓡꓰ ꓬꓲꓸ ꓔꓯ ꓞꓳ ꓒꓵꓽ ꓢꓲꓸ ꓖꓶꓽ ꓔꓸ ꓟ ꓢꓽ ꓡ ꓙꓵꓽ ꓠꓬꓲ ꓖꓴ ꓗꓪ ꓐꓰ ꓣꓴ ꓞꓰ ꓩꓴ ꓗꓷ ꓡꓳ꓿

Audio News