ꓑꓲ-ꓔ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓬꓰ ꓟꓽ ꓪ ꓬꓰꓳ

ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓒꓬꓱꓼ ꓡ ꓠꓹ ꓟ ꓠ ꓡꓲꓺ ꓬꓲꓸ ꓟꓶꓽ ꓕꓲꓽ ꓙꓵꓹ ꓗꓪ ꓛꓲ ꓥꓳ ꓡꓳꓸ ꓓꓴ ꓟꓽ ꓖꓴ ꓡꓰ꓾ ꓐꓰ ꓐꓯ ꓔꓸ ꓢꓴ Move Forward ꓑ-ꓔꓲ ꓗꓪ ꓐꓰ ꓑꓲ-ꓔ ꓠꓬ ꓟꓯꓹ ꓛꓬꓽ ꓟꓽ ꓡꓳꓼ ꓠꓬꓲ ꓟꓬꓱꓽ ꓐꓬꓱ ꓘꓶꓽ ꓟꓽ ꓪ ꓡꓰꓳ꓿

ꓟꓲꓸ ꓟꓲ ꓕꓱ ꓕꓲꓽ ꓑꓹ ꓕꓮꓲꓹ ꓗꓴꓷꓼ ꓝꓲ ꓓꓴ ꓐꓴ ꓠꓬ ꓕꓮꓲꓹ ꓗꓴꓷꓼ ꓖꓪ ꓙꓱ ꓜꓲꓼ ꓓꓴ ꓦꓲ ꓓꓽ ꓟ ꓠꓯꓸꓼ ꓗꓪ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓔꓯ ꓢꓲꓻ ꓡꓯ ꓘꓳ ꓟ ꓗꓪ ꓕꓱ ꓡꓱ ꓗꓷ ꓡꓰ ꓟ ꓥ ꓡꓳ꓿

“ꓘꓶ ꓡꓶꓽ ꓢꓴ ꓠꓬ ꓙꓳ ꓡꓳ꓿ ꓟꓲ-ꓓꓲ-ꓬ ꓚꓱꓹ ꓗꓪ ꓐꓰ ꓟꓽ ꓥ ꓐꓯ ꓠꓱꓸ ꓐꓯꓼ ꓚꓱꓹ ꓗꓪ ꓚꓳꓸ ꓘꓶ ꓡꓶꓽ ꓡ ꓥꓳ꓿ ꓥꓪ ꓔꓯ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲ ꓓꓽ ꓟ ꓠꓬꓲ ꓖꓴ ꓗꓪ ꓢꓲꓻ ꓖꓶ ꓡꓯ ꓐꓯ ꓟ ꓠꓬ ꓥꓪ ꓐꓱ ꓶ ꓟꓽ ꓥ= ꓕꓮꓲꓹ ꓗꓴꓷꓼ ꓑ ꓫꓬ ꓐꓴ ꓠꓲꓹ ꓡꓶꓽ ꓬꓰ ꓒꓬꓱꓼ ꓡ ꓠꓹ ꓟ ꓥ ꓡꓳ” ꓐꓰ ꓑꓲ-ꓔ ꓡꓰ ꓑ ꓫꓬ ꓝꓲ ꓓꓴ ꓐꓴ ꓔꓯ ꓐꓯˍ ꓡꓳ꓿

ꓖꓳ ꓡꓱ ꓥ ꓟꓲ ꓑ ꓫꓬ ꓝꓲ ꓓꓴ ꓐꓴ ꓗꓪ ꓐꓰ ꓔꓳꓹ ꓙ ꓟꓯꓹ 376 ꓪ ꓠ ꓔꓸ ꓟ ꓗꓪ 323 ꓡꓰꓽ ꓪ ꓡꓰ ꓠꓬꓲ ꓞꓳꓸ ꓡꓰ ꓟ ꓥꓳ꓿

ꓬꓲꓸ ꓚꓰ꓾ ꓐꓐꓚ꓾ ꓦꓳꓮ