ꓑꓯ-ꓚꓰꓸ ꓡꓳ ꓒꓱ ꓕꓲ ꓟ ꓡꓱꓸꓼ ꓔꓯ ꓗꓳ-ꓪꓰꓼ ꓠꓻ ꓚꓹ ꓓꓴ ꓬꓰ ꓔꓬ

ꓫ-ꓧꓼ ꓡꓳ ꓒꓱ ꓗꓪˍ ꓡꓰ ꓐꓰ ꓑꓯ-ꓚꓰꓸ ꓡꓳ ꓒꓱ꓾ ꓛꓮꓳ-ꓬꓥ (Chaoyang) ꓗꓪ ꓥ ꓟꓲ ꓗꓳ-ꓪꓰꓼ ꓠꓻ ꓢꓴ ꓓꓳ ꓡ ꓔꓬ ꓠꓬꓲ꓾ ꓕꓲ ꓡꓳ ꓒꓱ ꓗꓪ ꓟ ꓑ ꓫꓬ 350 ꓢꓯꓹ ꓔꓯ ꓗꓳ-ꓪꓰꓼ ꓙꓳ/ꓟꓽ ꓙꓳ 3 ꓧꓪꓹ ꓠꓻ ꓚꓹ ꓓꓴ ꓬꓰ ꓔꓬ ꓡꓳ꓿

ꓠꓻ ꓚꓹ ꓔꓶꓸ꓾ ꓙꓲ ꓔꓲ꓾ ꓜꓽ ꓓꓴ ꓪꓴꓽ ꓔꓶꓸ ꓗꓪꓑ ꓫꓬ ꓐꓴ ꓝꓯꓸ ꓔꓬ ꓟ ꓡꓳꓸ ꓟꓳˍ ꓡꓳ꓿

ꓫ-ꓧꓼ ꓗꓪ 2022 ꓘꓳꓼ 4 ꓦ 24 ꓠꓬꓲ ꓕꓲ ꓠꓬꓲ ꓟꓐꓘꓴꓽꓚꓗꓪꓦꓫꓵꓻ ꓢꓴ 51 ꓣꓳ ꓗꓪ ꓛꓲ ꓙꓳ ꓡ ꓠꓬꓲ꓾ ꓫ-ꓧꓼ ꓡꓳ ꓒꓱ ꓔꓯ ꓙꓰ ꓙꓰ ꓡꓽ ꓡ ꓬꓰ ꓟꓽ ꓓ lockdown ꓑꓲꓸ ꓔꓸ ꓡꓳ꓿ ꓫ-ꓧꓼ ꓡꓳ ꓒꓱ ꓗꓪ ꓑ ꓫꓬ ꓐꓴ ꓔꓯ ꓡꓴꓽ ꓕꓲ ꓔꓸ ꓟ ꓪꓴꓸ ꓠꓬꓲ꓾ ꓑ ꓫꓬ ꓐꓴ ꓜꓽ ꓓꓴ ꓓꓳ ꓓꓴ ꓟꓽ ꓡꓳꓼ ꓢꓴ꓾ ꓠꓲꓹ ꓦꓶ ꓢꓴ ꓙꓳˍ ꓡꓳ꓾ ꓐꓰ ꓐꓯ ꓡꓳ꓿

ꓗꓳ-ꓪꓰꓼ ꓚꓹ ꓟꓶˍ ꓟ ꓡꓳ ꓒꓱ ꓔꓯ ꓑꓲꓸ ꓔꓬ ꓠꓬꓲ꓾ ꓶ ꓡꓯꓼ ꓚꓱꓹ꓾ ꓓꓵꓽ ꓓꓳ ꓚꓱꓹ꓾ ꓜꓽ ꓓꓴ ꓓꓳ ꓓꓴ ꓧꓪ ꓚꓱꓹ ꓮ ꓙꓵꓽ ꓫꓸ ꓡꓰ ꓔꓬ ꓡꓳ꓿

ꓗꓳ-ꓪꓰꓼ -19 ꓠꓬꓲ 2019 ꓘꓳꓼ 12 ꓦ ꓕꓯꓽ ꓧꓶꓽ ꓗꓴꓷꓼ꓾ ꓪꓴ-ꓦ ꓡꓳ ꓒꓱ ꓗꓪ ꓬꓲꓸ ꓪꓴꓸ ꓠꓻ ꓡ ꓢꓲ꓾ ꓕꓲ ꓟꓲ ꓠꓯ ꓛꓱ ꓙꓰ ꓢꓲ꓾ ꓕꓲ ꓟꓲ ꓠꓯ ꓗꓪ ꓕꓱ ꓟ ꓑꓶꓸ ꓓꓴ ꓫꓵꓻ ꓢꓴ 622 ꓢꓯꓹ ꓙꓳ ꓡꓰꓳ꓿

Source: Reuters, BBCPhoto: REUTERS/Tingshu Wang,