ꓑꓯ-ꓔꓳ-ꓔ ꓗꓴꓷꓼ ꓟꓬꓱꓽ ꓢꓲꓺ ꓙꓵꓽ ꓪ ꓞꓰ ꓬꓰꓳ

2025 ꓘꓳꓼ 8 ꓦ 29 ꓠꓬꓲ ꓕꓯꓽ  ꓕꓮꓲꓹ ꓗꓴꓷꓼ ꓙꓵꓽ ꓗ ꓔꓯ ꓟꓳꓸ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓟꓬꓱꓽ ꓢꓲꓺ ꓙꓵꓽ ꓪ ꓕꓲꓽ ꓑꓹ ꓠꓽ ꓔꓸ ꓢꓴ ꓑꓯ-ꓔꓳ-ꓔ ꓔꓯ ꓟꓬꓱꓽ ꓞꓰ ꓩꓴ ꓠꓹ ꓟ ꓫꓵꓽ ꓘꓶꓽ ꓐꓯ ꓞꓷꓹ ꓗꓷꓳ꓿

“ꓬꓲꓸ ꓠꓬ ꓗꓴꓷꓼ ꓧꓳꓽ ꓪꓴꓸ ꓟꓴ ꓢꓴ ꓛꓳ ꓠꓯꓹ ꓟ ꓡꓲꓽ ꓒꓰꓼ ꓡꓲꓽ ꓚꓱꓹ ꓔꓯ ꓟꓽ ꓛꓳ ꓟ ꓑꓶꓸ ꓓꓴ ꓬꓲꓸ ꓟꓬꓱꓽ ꓠꓽ ꓩꓴꓳ꓾” ꓐꓰ ꓐꓯ ꓔꓸ ꓡꓳ꓿

ꓗꓴꓷꓼ ꓟꓬꓱꓽ ꓢꓲꓺ ꓡꓵꓺ ꓑꓯ-ꓔꓳ-ꓔ ꓠꓬ ꓗ-ꓐꓳ-ꓓꓲ-ꓬ ꓗꓴꓷꓼ ꓙꓵꓽ ꓢꓴ ꓧꓴ-ꓢ ꓔꓯ ꓩꓴꓸ ꓗꓪ ꓐꓰ ꓫꓸ ꓕꓱ ꓡꓯ ꓘꓳ ꓟ ꓗꓪ ꓞꓳ ꓒꓵꓽ ꓠꓲꓹ ꓗꓪ ꓐꓰ “ꓮ ꓪꓳꓻ” ꓐꓰ ꓘꓴ ꓢꓲ꓾ ꓟꓵꓽ ꓫꓸ ꓗꓺ ꓗꓪ ꓕꓮꓲꓹ ꓟꓯꓼ ꓜꓲꓽ ꓐꓴ ꓬꓰˍ ꓟ ꓟꓽ ꓜꓳꓽ ꓐꓰ ꓫꓸ ꓕꓱ ꓔꓸ ꓟ ꓢꓯꓼ ꓔꓯ ꓚꓵꓹ ꓡꓴꓽ ꓔꓸ ꓟ ꓑ ꓫꓬ ꓐꓴ ꓑ ꓙ ꓪ ꓡꓰ ꓕꓯꓽ ꓬꓲꓸ ꓔꓯ ꓟꓬꓱꓽ ꓕꓲꓽ ꓑꓹ ꓠꓽ ꓩꓴ ꓢꓲꓸ ꓚꓲꓸ ꓚ ꓔꓬ ꓟ ꓗꓪ꓾ ꓮ ꓟꓶ ꓫꓵꓽ ꓘꓶꓽ ꓩꓴ ꓡ ꓟ ꓥ ꓡꓳ꓿