ꓐ-ꓣꓲ-ꓔꓲ ꓗꓴꓷꓼ ꓟꓬꓱꓽ ꓢꓲꓺ ꓬꓲꓸ ꓫꓵꓼ ꓡꓲꓸ-ꓜꓲꓽ

ꓠꓬꓲꓸ ꓠꓬꓲ 2022 ꓘꓳꓼ 9 ꓦ 6 ꓠꓬꓲ ꓕꓯꓽ꓾ ꓐ-ꓣꓲ-ꓔꓲ ꓗꓴꓷꓼ ꓟꓬꓱꓽ ꓢꓲꓺ ꓬꓲꓸ ꓫꓵꓼ ꓢꓲꓻ ꓪ ꓡꓰ ꓢꓴ ꓡꓲꓸ-ꓜꓲꓽ ꓕ-ꓣꓼ-ꓢꓲꓽ (Liz Truss) ꓔꓯ ꓪ ꓔꓲꓸ ꓟ ꓬꓲ-ꓡꓲ-ꓫ-ꓑꓷ ꓗꓪ ꓐꓰ ꓥ ꓟꓲ ꓟꓬꓱꓽ ꓙꓵꓽ ꓪ ꓡꓯꓼ ꓙꓱ ꓗꓷꓳ꓿

ꓑ ꓫꓬ ꓝꓲ ꓓꓴ ꓐꓴ ꓗꓪ ꓐꓰ ꓢꓲꓻ ꓓꓳ ꓡ ꓢꓴ ꓔꓯ ꓗꓴꓷꓼ ꓪ ꓔꓲꓸ ꓟ ꓡꓰ ꓘꓳ ꓣꓴ ꓢꓲꓸ ꓟꓬꓱꓽ ꓡꓯꓼ ꓙꓱˍ ꓟ ꓙꓵꓽ ꓗ ꓙꓳˍ ꓟ ꓡꓰ ꓐꓰ ꓬꓰˍ ꓟ ꓥ ꓡꓳ꓿

Liz Truss ꓠꓬ ꓐ-ꓣꓲ-ꓔꓲ ꓗꓴꓷꓼ ꓪ ꓔꓲꓸ ꓟ ꓬꓲ-ꓡꓲ-ꓫ-ꓑꓷ ꓔꓯ ꓐ-ꓟꓳ-ꓬꓯ ꓪ ꓔꓲꓸ ꓦꓲ ꓓꓽ ꓟ (Balmoral Castle) ꓗꓪ ꓜꓲ ꓬꓰˍ ꓟ ꓥ ꓡꓳ꓿

ꓐꓲ-ꓣꓲ-ꓔꓲ ꓗꓴꓷꓼ ꓟꓬꓱꓽ ꓢꓲꓺ ꓐꓳ-ꓣꓲ-ꓢꓲ ꓙꓳ-ꓢꓳ ꓔꓯ ꓦ ꓡꓱ ꓟꓽ ꓐꓳ ꓢꓴ꓾ ꓟꓽ ꓠꓵ ꓢꓴ ꓟꓬꓽ ꓡ ꓟ ꓑꓶꓸ ꓓꓴ ꓬꓲꓸ ꓟꓬꓱꓽ ꓗꓪ ꓐꓰ ꓓꓳ ꓙꓰˍ ꓠꓬꓲ꓾ ꓬꓲꓸ ꓫꓵꓼ ꓕꓲ ꓣꓳ ꓢꓲꓻ ꓗꓷ ꓟ ꓥ ꓡꓳ꓿