ꓩꓴ-ꓖꓳ ꓟꓵꓽ ꓙꓲ-ꓢꓴ ꓘꓴ ꓜꓲꓼ ꓞꓳ ꓗꓳ-ꓟꓲ-ꓔꓲ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓗꓳꓸ ꓗꓷ ꓟ 9 ꓦ ꓘꓴꓽ ꓟ ꓗꓪ꓾ ꓫꓸ ꓟꓷꓼ ꓢꓴ ꓐꓰ ꓟꓯꓼ ꓘꓰꓹ ꓔꓬ ꓢꓴ ꓐꓴ ꓜꓲꓼ ꓔꓬ ꓟ ꓐ-ꓗꓳꓼ ꓘꓹ ꓫꓵꓼ ꓗꓪ ꓖꓪ ꓓꓴ ꓐꓰ ꓜꓽ ꓓꓴ ꓬꓰ ꓙ ꓪ ꓡꓰꓳ ꓐꓰ ꓓꓳꓽ ꓜꓳ ꓛꓲ ꓡ ꓡꓳ꓿
“ꓔꓲꓺ ꓖꓶ ꓡ ꓢꓴ ꓙꓳ ꓠꓬꓲ 9 ꓦ ꓟ ꓘꓴꓽ ꓗꓪ ꓟꓸ ꓒ ꓟ-ꓘꓳ ꓐꓰ ꓥꓪ ꓠꓬꓲꓽ ꓣꓳ ꓙꓰ ꓢꓲ ꓬꓰ ꓙ ꓪ ꓡꓰ ꓟ ꓥꓳ꓿ ꓠꓬꓲꓸ ꓠꓬꓲ 2021 ꓘꓳꓼ 10 ꓦ 2 ꓠꓬꓲ ꓗꓪ ꓥ ꓟꓲ ꓖꓳ ꓕꓲ ꓘꓹ ꓢꓴ ꓔꓯ ꓛꓳꓽ ꓡꓳꓸ ꓠꓹ ꓟ ꓟꓸ ꓒ ꓟ-ꓘꓳ ꓐꓰ ꓟꓸ ꓒ ꓬꓲ-ꓡꓲ-ꓓꓲ ꓐꓴ ꓙꓰꓳ ꓫꓵꓽ ꓚꓬ ꓚꓱꓹ ꓕꓲ ꓕꓱ ꓗꓪ ꓡꓴꓽ ꓔꓬ ꓠ ꓗꓷ ꓬꓰꓳ꓿ ꓖꓳ ꓗꓪ ꓟꓯꓼ ꓐꓶ ꓡꓯ ꓘꓳ ꓔꓬ ꓐꓶ꓿ ꓪ ꓘꓴ ꓙ ꓓꓴ ꓬꓰ” ꓐꓰ ꓟꓸ ꓒ ꓬꓯ-ꓫꓱ ꓡꓰ ꓐꓯ ꓩꓴ ꓡ ꓡꓳ꓿
ꓬꓲ ꓙꓬ ꓙꓲꓽ ꓢꓲ ꓔꓶ ꓜꓽ ꓔꓶ ꓓꓳ ꓫꓸ ꓟ꓾ ꓟꓯꓼ ꓢꓰꓼ ꓡꓯ ꓘꓳ ꓟ꓾ ꓧꓶꓸ ꓕꓯ ꓡꓰ ꓐꓰ ꓟꓵꓽ ꓗꓪ ꓙꓰ ꓢꓲꓸ ꓒꓵꓽ ꓧꓪ ꓟꓽ ꓙꓲ ꓬꓰ ꓟ ꓑꓶꓸ ꓓꓴ ꓩꓴ-ꓖꓳ ꓟꓵꓽ ꓗꓪ ꓟ ꓡꓲ-ꓢꓴ ꓐꓴ ꓫꓸ ꓢꓴ ꓟꓷꓼ ꓢꓴ ꓟꓬꓽ ꓡ ꓔꓬ ꓡꓳ꓿