ꓐꓴꓣꓟꓮ ꓮꓚꓔ ꓕꓱꓹ ꓞ ꓟ ꓠꓓꓮꓮ ꓙꓵꓽ ꓗ ꓙꓳꓹ-ꓐ-ꓓꓲ ꓡꓯꓼ ꓓꓴ ꓢꓽ

ꓐꓴꓣꓟꓮ ꓮꓚꓔ ꓚꓬꓼ ꓞꓹ ꓟ ꓴꓢꓮ ꓗꓴꓷꓼ ꓡꓳꓸ ꓙꓵꓽ ꓗ ꓠꓓꓮꓮ ꓔꓯ ꓗꓴꓷꓼ ꓪꓴꓸ ꓓꓵ ꓙꓳꓹ-ꓐ-ꓓꓲ ꓡꓰ 2022 ꓘꓳꓼ 12 ꓦ 23 ꓠꓬꓲ ꓕꓯꓽ ꓡꓯꓼ ꓓꓴ ꓢꓽ ꓗꓷꓳ꓿

ꓙꓵꓽ ꓗ ꓕꓱ ꓟ ꓔꓯ ꓑ ꓫꓬ ꓝꓲ ꓓꓴ 2 ꓜꓴ ꓡꓱꓸꓼ ꓪꓽ ꓔꓸ ꓟ ꓥ ꓢꓲ꓾ ꓙꓳꓹ-ꓐ-ꓓꓲ ꓡꓰ ꓡꓯꓼ ꓓꓴ ꓢꓽ ꓩꓴ ꓡ ꓟ ꓗꓪ ꓐꓰ ꓠꓓꓮꓮ ꓠꓬ 2023 ꓘꓳꓼ ꓫꓵꓼ 1 ꓠꓬꓲ ꓗꓪ ꓐꓰ ꓟꓬꓱꓽ ꓬꓰ ꓪꓴꓸ ꓔꓴ ꓓꓴ ꓙꓵꓽ ꓗ ꓒꓬꓱꓼ ꓡ ꓥꓳ꓿ ꓖꓳ ꓗꓪ ꓟꓬ-ꓟ ꓗꓴꓷꓼ ꓙꓵꓽ ꓜꓴ ꓠꓴꓖ꓾ ꓑꓓꓝ꓾ EAOs ꓐꓴ ꓔꓯ ꓟꓬꓱꓺ ꓞꓶ ꓢꓲꓸ ꓬꓰ ꓙ ꓚꓱꓹ ꓐꓳ ꓔꓸ ꓡꓳ꓿

ꓐꓴꓣꓟꓮ ꓮꓚꓔ ꓴꓢꓮ ꓗꓴꓷꓼ ꓡꓳꓸ ꓙꓵꓽ ꓗ ꓗꓪ ꓗꓶꓺ ꓪ ꓠꓹ ꓟ ꓴꓢꓮ ꓑ ꓫꓬ ꓝꓲ ꓓꓴ Mitch McConnell ꓡꓰ ꓮ ꓘꓶꓸ ꓢꓯꓼ ꓕꓵꓼ ꓔꓸ ꓟ ꓥ ꓢꓲ꓾ ꓮ ꓟꓶ ꓴꓢꓮ ꓙꓵꓽ ꓗ ꓒꓬꓱꓼ ꓡ ꓟ ꓠꓓꓮꓮ ꓡꓳ ꓚꓺ ꓟꓬ-ꓟ ꓗꓴꓷꓼ ꓗꓪ ꓫꓱꓸ ꓤ ꓟꓬꓱꓽ ꓐꓰ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓐꓱ ꓶ 2023 ꓘꓳꓼ ꓗꓪ ꓓꓳ ꓡ 2200 ꓢꓯꓹ ꓬꓰ ꓙ ꓓꓴ ꓥ ꓡꓳ꓿