ꓐꓲ-ꓖꓲꓼ (Bill Gates) ꓡꓰ ꓬꓲꓸ ꓤ ꓠꓱ 3 ꓫꓵꓸ ꓔꓯ 1 ꓣꓳ ꓴꓢ $ 100 ꓢꓯꓹ ꓠꓲꓸ ꓫꓬꓸ ꓐꓹ ꓖꓶ ꓓꓴ ꓥꓳ ꓐꓰ 2021 ꓘꓳꓼ ꓗꓪ ꓢꓷ ꓙ ꓟꓴ ꓙ ꓔꓸ ꓡꓳ꓿
100 ꓢꓯꓹ ꓠꓬ ꓒꓴ ꓮ ꓟꓬꓹ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓬꓲꓸ ꓐꓳ ꓔꓳꓹ ꓔꓬ ꓟ ꓠꓬ ꓴꓢ $ 131 billions ꓥ ꓡꓳ꓿ ꓠ ꓐꓼ ꓬꓲꓸ ꓝꓳꓹ ꓠꓬ꓾ 131000,000,000 ꓥ ꓡꓳ꓿ ꓖꓳ ꓟ ꓗꓪ ꓐꓰ ꓕꓲ ꓣꓳ ꓔꓯ 10,000,000 ꓖꓶꓽˍ ꓟ ꓠꓬ ꓬꓲꓸ ꓙꓳˍ ꓟ ꓔꓯ ꓔꓯꓺ ꓠꓬ ꓬꓲꓸ ꓒꓰꓺ ꓬꓲꓸ ꓧꓶꓽ ꓤꓼ ꓥ ꓢꓰꓽ ꓡꓳ꓿
ꓬꓲꓸ ꓠꓬ ꓙꓼ ꓪꓴꓸ ꓠꓷꓸ ꓐꓰ ꓩꓴꓸ ꓢꓷꓸ ꓠꓹ ꓑꓶꓸ ꓓꓴ ꓞꓳ ꓐꓳ ꓓꓽ ꓟ ꓒꓬꓱꓼ ꓡ ꓥ ꓟꓲ꓾ ꓬꓲꓸ ꓤ ꓬꓲꓸ ꓠꓱ ꓐꓴ ꓔꓯ ꓠꓬ ꓚꓲꓸ ꓛꓬ ꓔꓱꓹ ꓚꓲꓸ ꓛꓬ ꓢꓷꓸ ꓠꓲꓹ ꓗꓪ ꓐꓰ ꓧꓪ ꓣꓴ ꓢꓲꓸ ꓤꓶ ꓦꓬꓼ ꓠꓬꓲ ꓗꓳꓸ ꓝꓲ ꓠꓲꓹ ꓫꓵˍ ꓡꓳ꓿
ꓬꓲꓸ ꓠꓬ ꓩꓴꓸ ꓶ ꓡꓯꓼ ꓬꓰ ꓢꓴ ꓥ ꓡꓳ ꓐꓯ ꓥ ꓟꓲ ꓬꓲꓸ ꓤ ꓠꓱ ꓐꓴ 10 ꓘꓳꓼ ꓟꓽ ꓐꓲ ꓡ ꓕ ꓑꓳꓸ ꓩꓴꓸ ꓟꓽ ꓠꓶꓽ ꓝꓲ ꓢꓴ ꓥ ꓡꓳ꓿ ꓤ ꓠꓱ ꓐꓴ ꓓꓵꓽ ꓙ ꓚꓱꓹ ꓗꓪ ꓘꓶ ꓡꓶꓽ ꓓꓴ ꓗ ꓬꓰ ꓝꓲ ꓟꓽ ꓓ꓾ ꓐꓰ ꓢꓪꓼ ꓢꓲꓛ ꓕꓱ ꓡꓱ ꓬꓰ ꓩꓴ ꓡ ꓟ ꓥ ꓡꓳ꓿
ꓞꓳ ꓐꓳ ꓡꓳꓺ ꓑ ꓢꓲꓹ ꓕꓯꓸ ꓐꓴ ꓮ ꓡꓲ ꓖꓪꓽ꓾ ꓮ ꓡꓲ ꓜꓽ ꓓꓳˍ ꓟ ꓠꓬ ꓡꓼ ꓗꓳꓸ ꓙꓲꓺ ꓥ ꓢꓲ꓾ ꓮ ꓡꓲ ꓐꓰ ꓟꓬꓱꓽ ꓑꓶꓸ ꓙꓽ ꓖꓶꓽ ꓣꓱꓽ ꓬꓰ ꓟ (Management) ꓠꓬ ꓠꓲꓹ ꓟ ꓗꓳ ꓡꓳ ꓥ ꓡꓳ꓿ ꓖꓳ ꓟ ꓔꓯ ꓠꓬ ꓡ ꓞꓳ ꓐꓴ ꓢ ꓢꓹ ꓢꓷꓸ ꓪ ꓟꓽ ꓓ ꓟ꓾ ꓞꓳ ꓐꓳ ꓐꓴ ꓡꓰꓽ ꓟꓽ ꓟꓸ ꓖꓶ ꓡ ꓟ ꓕꓲꓽ ꓫꓵꓽ ꓥ ꓡꓳ꓿