ꓐꓲꓡꓡ ꓣꓲꓚꓧꓮꓣꓓꓢꓳꓠ ꓟꓰꓹ-ꓮꓳ-ꓡꓮꓲꓽ ꓔꓯ ꓠꓯ-ꓑꓲ-ꓓꓳ ꓗꓪ ꓜꓲ ꓡ

2021 ꓘꓳꓼ 11 2 ꓠꓬꓲ ꓕꓯꓽ ꓴꓢ ꓗꓴꓷꓼ ꓝꓲ ꓓꓴ ꓬꓲꓸ ꓡꓵꓺ Bill Richardson ꓠꓬ ꓠꓯ-ꓑꓲ-ꓓꓳ ꓗꓪ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓜꓲ ꓡꓯ ꓘꓳ ꓡꓳ꓿

ꓠꓯ ꓞꓲꓼ ꓚꓱꓹ꓾ ꓫꓸ ꓟꓷꓼ ꓢꓴ ꓔꓯ ꓬꓰ ꓙ ꓚꓱꓹ ꓖꓪ ꓙꓱ ꓡꓳ ꓐꓰ ꓟꓯꓼ ꓫꓵꓽ ꓓꓳ ꓗꓪ ꓐꓯ ꓟꓳꓸ ꓖꓶ ꓔ ꓡꓳ꓿

ꓐꓲꓡꓡ ꓣꓲꓚꓧꓮꓣꓓꓢꓳꓠ ꓠꓬ ꓬꓲꓸ ꓔꓱꓹ ꓬꓲ ꓡ ꓟ ꓥ ꓢꓲ꓾ ꓴꓢ ꓗꓴꓷꓼ ꓙꓵꓽ ꓢꓲꓽ ꓒꓽ ꓙꓳ-ꓐ-ꓓꓲ ꓥ ꓟꓲ ꓬꓲꓸ ꓡ ꓟ ꓙ ꓖꓴ ꓔꓯ ꓢꓷꓸ ꓡꓳ ꓐꓰ ꓴꓢ ꓓꓳꓽ ꓗꓪ ꓐꓳ ꓔꓸ ꓡꓳ꓿

ꓬꓲ ꓠꓬ ꓟꓬ-ꓟ ꓗꓴꓷꓼ ꓟꓸ ꓟꓲꓽ ꓢꓷꓸ ꓢꓴ꓾ ꓟꓬ-ꓟ ꓗꓴꓷꓼ ꓗꓪ ꓮ ꓟꓬꓹ ꓧꓪꓸ ꓡ ꓠꓬꓲ ꓢꓴ ꓕꓲ ꓣꓳ ꓥ ꓡꓳ꓿

ꓬꓲ ꓠꓬ ꓮꓳ-ꓢꓸ-ꓢꓴꓸ-ꓚꓰꓽ ꓡꓰ ꓣꓳ-ꓦꓲ-ꓙ ꓚꓱꓹ ꓚꓲꓸ ꓚ ꓟꓬꓱꓽ ꓬꓰ ꓗꓳ-ꓟꓲ-ꓔꓲ ꓜꓴ ꓬꓰ ꓙ ꓡ ꓠꓹ ꓟ ꓘꓴ ꓓꓰꓽ ꓪ ꓡꓰ ꓢꓴ ꓕꓲꓽ ꓣꓳ ꓥ ꓢꓲ꓾ ꓟꓶ ꓤ ꓟꓽ ꓥ ꓕꓯꓽ ꓟꓬ-ꓟ ꓗꓴꓷꓼ ꓙꓵꓽ ꓜꓴ ꓠꓡꓓ ꓠꓬ ꓣꓳ-ꓦꓲ-ꓙ ꓚꓱꓹ ꓔꓯ ꓠꓲꓹ ꓡꓯꓼ ꓓꓯ ꓓꓯ ꓒꓶ ꓫꓬꓽ ꓠꓲꓹ ꓫꓵ ꓟ ꓠꓲꓹ ꓟ ꓟꓽ ꓙꓳ ꓐꓶ ꓐꓯ ꓢꓲꓸ ꓗꓳ-ꓟꓲ-ꓔꓲ ꓗꓪ ꓐꓰ ꓓꓳ ꓙꓰ ꓢꓴ ꓥ ꓡꓳ꓿