ꓐꓬꓱꓽ ꓦꓲ ꓞꓰ ꓡꓰ ꓢꓲꓸ ꓟꓽ ꓫꓵꓻ ꓢꓴ ꓑꓮꓲ-ꓐꓳ-ꓑꓰꓼ

2021 ꓘꓳꓼ 6 ꓦ 10 ꓠꓬꓲ ꓕꓯ ꓟꓬ-ꓟ ꓗꓴꓷꓼ ꓑ ꓫꓬ ꓙꓵꓽ ꓪ ꓦꓴ ꓔꓸ ꓢꓴ ꓟꓯꓼ ꓐꓬꓱ ꓦꓲ ꓕꓲ ꓦꓲ ꓑꓲ-ꓳ-ꓡꓱꓽ ꓗꓪ ꓞꓰ ꓬꓯꓼ ꓡꓰ ꓢꓲ꓾ ꓜꓶ ꓔꓸ ꓢꓴ ꓡ ꓞꓳ 14 ꓣꓳ ꓗꓪ ꓐꓰ ꓤ ꓠꓱ ꓕꓱ ꓕꓲ ꓣꓳ ꓐꓰ ꓟꓯꓼ ꓒꓽ ꓕꓲ ꓣꓳ ꓠꓬ ꓟꓽ ꓫꓵꓻ ꓫꓵꓻ ꓚꓬꓴꓹ ꓟꓶ ꓪ=

ꓠꓱꓸ ꓐꓯꓼ ꓫꓵꓻ ꓢꓴ ꓐꓴ ꓠꓯꓸꓼ ꓗꓪ ꓗꓴꓷꓼ ꓗꓪ ꓟ ꓟꓬꓱ ꓓꓳꓽ ꓙꓳ ꓢꓴ ꓡ-ꓟ-ꓒꓽ ꓓꓽ ꓟ ꓕꓲ ꓣꓳ ꓐꓰ꓾ ꓫꓵꓽ ꓒ ꓓ ꓒꓽ ꓕꓲ ꓣꓳ꓾ ꓐꓬꓱ ꓦꓲ ꓗꓪ ꓟꓬꓱꓽ ꓬꓰ ꓢꓴ ꓐꓴ꓾ ꓡꓳ ꓑ ꓒꓽ ꓡꓳ ꓑ ꓟ ꓐꓰ꓾ ꓟꓯꓼ ꓤ ꓐꓴ ꓥ ꓡꓳ= ꓬꓲ ꓪ ꓠꓬ ꓡ-ꓟ ꓙꓳꓥꓽ ꓦꓲ ꓫꓬꓹ ꓪꓴꓸ ꓔꓴ ꓟ ꓑꓮꓲ ꓗꓪ ꓜꓲꓼ ꓙꓰ ꓟ ꓗꓪ ꓐꓬꓱ ꓦꓲ ꓞꓰ ꓡꓰ ꓟ ꓥ ꓡꓳ= ꓤ ꓠꓱ ꓤꓼ ꓕꓱ ꓕꓲ ꓣꓳ ꓠꓬ ꓫꓵꓻ ꓢꓴ ꓡꓳ ꓑ ꓒꓽ ꓐꓰ ꓡꓳ ꓑ ꓟ ꓤꓽ ꓕꓲ ꓣꓳ ꓥ ꓡꓳ= ꓬꓲꓸ ꓟꓬꓱ ꓠꓬ꓾ ꓑꓮꓲ-ꓐꓳ-ꓑꓰꓼ ꓘꓴ ꓡꓳ= ꓬꓲꓸ ꓠꓬ ꓫꓵꓻ ꓗꓪ ꓐꓰ ꓢꓯꓸ ꓬꓲꓼ ꓡ ꓢꓴ꓾ ꓫꓵꓽ ꓩꓴꓸ ꓮ ꓘꓶꓸ ꓙꓲ ꓢꓴ ꓕꓲ ꓣꓳ ꓥꓳ ꓐꓰ ꓡ ꓞꓳ ꓐꓴ ꓐꓯ ꓔꓬ ꓡꓳ=