2022 ꓩꓳꓼ 5 ꓦ 24 ꓠꓬꓲ ꓗꓪ ꓐꓐꓚ ꓓꓳꓽ ꓐꓯ ꓒꓬꓱꓺ ꓙꓵꓹ ꓬꓰ ꓔꓬ ꓕꓯꓽ ꓕꓳ ꓶ ꓝꓳꓹ ꓐꓳˍ ꓟ ꓗꓪ Manchester United ꓑꓲꓹ ꓡꓴꓸ ꓜꓴ ꓠꓬ ꓑꓱꓸ ꓛꓲꓽ ꓥꓳ – Manchester United are rubbish ꓐꓳ ꓗꓷ ꓟ ꓑꓶꓸ ꓓꓴ Manchester United ꓑꓲꓹ ꓡꓴꓸ ꓑꓲꓹ ꓜꓴ ꓔꓯ ꓢꓯꓼ ꓖꓶꓽ ꓢꓴ ꓐꓴ ꓔꓯ ꓖꓶ ꓬꓲꓽ ꓩꓴ ꓡ ꓡꓳ꓿
ꓕꓱ ꓟ ꓠꓬ ꓟꓬꓱꓽ ꓬꓰ ꓢꓴ ꓬꓲꓸ ꓫꓵꓼ ꓔꓯ ꓫꓵꓽ ꓓꓳ ꓕꓳ ꓶ ꓝꓳꓹ ꓮ ꓡꓲ ꓐꓳ ꓗꓶꓺ ꓠꓹ ꓟ ꓢꓷꓸ ꓠꓲꓹ ꓟꓸ ꓖꓶ ꓔꓬ ꓕꓯꓽ ꓟꓽ ꓓꓵꓽ ꓙ ꓔꓸ ꓟ ꓬꓰ ꓜꓯꓼ ꓬꓰꓳ ꓫꓵꓽ ꓥꓳ꓾ ꓐꓰ ꓒꓶꓻ ꓟꓸ ꓖꓶ ꓔꓸ ꓡꓳ꓿
“ꓐꓳ ꓖꓶ ꓠꓰ ꓖꓯ ꓠꓱꓸ ꓐꓯꓼ ꓐꓳ ꓠꓯꓸ꓿ ꓢꓴ ꓑꓲꓹ ꓡꓴꓸ ꓑꓲꓹ ꓜꓴ ꓔꓯ ꓑꓱꓸ ꓛꓲꓽ ꓔꓲꓸ ꓠꓽ ꓮ ꓡꓲ ꓐꓳ ꓚꓳ” ꓐꓰ ꓳꓠꓡꓲꓠꓰ ꓗꓪ ꓓꓶꓼ ꓡꓯ ꓘꓳ ꓢꓴ ꓮ ꓘꓶꓸ ꓙꓳ ꓡꓳ꓿