နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို ဗွီဒီယိုကွန်ဖရင်းဇင်းမှတစ်ဆင့် သူ့ရှေ့နေ ဒေါ်မင်းမင်းစိုးက ကနေ့ မတ်လ ၃၁ ရက်နေ့မှာ တပထမဦးဆုံးအကြိမ် ၁၅ မိနစ်ကြာ တွေ့ခွင့်ရခဲ့ပါတယ်။
နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ဟာ ကြည့်ရလောက် ကောင်းကောင်းမွန်မွန် ကျန်းကျန်းမာမာရှိနေတယ်လို့ သူ့ရှေ့နေက ပြန်ပြောပြပါတယ်။
ယနေ့ မတ်လ ၃၁ ရက်နေ့က အမျိုးသားဒီမိုကရေစီအဖွဲ့ချုပ်ပါတီ NLD အစိုးရ သက်တမ်း ကုန်ဆုံးတဲ့နေ့ဖြစ်ပြီး မနက်ဖြန် ဧပြီလ ၁ ရက်နေ့မှာ အစိုးရသစ် တက်ရမယ့်အချိန်လည်းဖြစ်သလို၊ အမှု (၅) ခုနဲ့ တရားစွဲဆိုခံနေရတဲ့ ဒေါ်အောင်ဆန်းစုကြည်ရဲ့ ပထမဦးဆုံး ရုံးချိန်းနေ့လည်းဖြစ်ပါတယ်။ (ပုံက အဟောင်းဖြစ်ပါတယ်)