တရုတ်မှာကျင်းပမယ့် အိုလံပစ်အားကစားပွဲကို သပိတ်မှောက်ရန် နန်စီပလိုစီတိုက်တွန်း

တရုတ်၏တိုင်းရင်းသား လူနည်းစုလူ့အခွင့်အရေး ချိုးဖောက်နေသည်ကို အကြောင်းပြု၍၊ လာမည့်နှစ်တွင် တရုတ်နိုင်ငံ ပေကျင်းမြို့၌ ကျင်းပရန် စီစဉ်ထားသည့် ဆောင်းရာသီ အိုလံပစ်အားကစားပွဲတော်အား သံတမန်နည်းလမ်းဖြင့် သပိတ်မှောက်ရန် အမေရိကန်အောက်လွှတ်တော်ဥက္ကဌ နန်စီပယ်လိုစီက တိုက်တွန်းလိုက်ပါတယ်။ နန်စီပယ်လို၏ ပြောကြားချက်ကို တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ကျောင်လီယန်းက ပြစ်တင်ရှုတ်ချခဲ့ပြီး၊ “အားကစားပွဲသည် ရိုးရှင်း၊လုံခြုံ၍၊ ခန့်ညားသည့် အားကစားပြိုင်ပွဲ ဖြစ်လိမ့်မည်”ဟု ယုံကြည်ကြောင်း ချေပြတုံံ့ပြန်ခဲ့ပါတယ်။